Fransiyaning «PSJ» klubi nigeriyalik hujumchi Viktor Osimxen transfer qilingan taqdirda jamoa hujumchilaridan biri bilan xayrlashish variantini ko‘rib chiqmoqda.
Bu haqda jurnalist Ben Jeykobs X ijtimoiy tarmog‘ida (sobiq Twitter) xabar berdi.
Manba bergan xabarga ko‘ra, klub fransiyalik hujumchi Randal Kolo Muani va portugaliyalik Gonsalu Ramushni sotish imkoniyatini ko‘rib chiqmoqda.
Qayd etilishicha, klub Ramushni saqlab qolishga moyil, chunki u bosh murabbiy Luis Enrikening o‘yiniga ko‘proq mos keladi.
Kolo Muani, rahbariyat fikriga ko‘ra, moliyaviy nuqtayi nazardan muvaffaqiyatli savdo bo‘lishi mumkin.
