Рональд Араухо колумбиялик мухлисларнинг хатти-ҳаракатларига муносабат билдирди.
El Observador'нинг қайд этишича, Америка Кубоги финалига чиққан жамоа мухлислари ярим финал ўйинидан сўнг: “Уругвайликлар, Колумбия – сенинг отанг бўлади!” дея ҳайқирган.
Жароҳати туфайли терма жамоа йиғинини ўтказиб юборган ҳимоячи трибунага яқинлашиб, Уругвай ўз тарихида 2 марта жаҳон чемпиони бўлган ва Америка Кубогини 15 марта қўлга киритганини бармоқлари билан кўрсата бошлади.
Эслатиб ўтамиз, ўйиндан сўнг уругвайлик футболчилар колумбиялик мухлислар билан тўқнаш келишган ва бу вақтда Дарвин Нуньес юзига зарба қабул қилиб олган эди.
