Колумбиялик мухлислар билан муштлашган уругвайлик 11 нафар футболчига нисбатан иш очилди.

Уругвай ва Колумбия ўртасидаги ўйиндаги воқеадан сўнг КОНМЕБОЛ Уругвай футбол ассоциациясини мухлислар билан муштлашувда турли даражада иштирок этган 11 нафар футболчига нисбатан интизомий текширув ўтказаётгани ҳақида хабар берди.

Уругвайликлар Америка кубоги ярим финалида Колумбияга имкониятни бой беришди (0:1). Ўйиндан сўнг Уругвай терма жамоасининг баъзи футболчилари трибунага чиқиб, Колумбия терма жамоаси мухлислари билан муштлашишди. Дарвин Нуньес колумбиялик мухлислар томон стул улоқтиргани қайд этилган.

Рўйхатда Нуньесдан ташқари Рональд Араухо, Родриго Бентанкур, Сантьяго Меле, Себастьян Касерес, Эмилиано Мартинес, Матиас Винья, Брайан Родригес, Хосе Хименес ва Факундо Пельистри ҳам бор.