Миланнинг “Интер” клуби бош мураббийи Симоне Индзаги бўлажак Чемпионлар лигасидан ҳақида фикрлари билан ўртоқлашди. "Нерадзуррилар" ўтган йили энг нуфузли еврокубок финалига қадар етиб борган ва финалда "Манчестер Сити"га ютқазганди.
Миланликлар учун навбатдаги турнир унчалик муваффақиятли бўлмади: жамоа 1/8 финал босқичида “Атлетико Мадрид”га пеналтилар сериясида мағлуб бўлди.
"Мақсадимиз янги мавсумда Чемпионлар лигасида имкон қадар узоққа бориш. Рақибларимиз катта бюджетга эга энг кучли клублар бўлишини биламиз, аммо бу баҳона бўлмаслиги керак. Биз буни аввал ҳам қилганмиз. Биз "Реал Мадрид" ва "Ливерпуль" каби жамоаларни учратганмиз ва улар биздан яхшироқ кўринмасди", - дейди Индзаги.
