Milanning “Inter” klubi bosh murabbiyi Simone Indzagi bo‘lajak Chempionlar ligasidan haqida fikrlari bilan o‘rtoqlashdi. "Neradzurrilar" o‘tgan yili eng nufuzli yevrokubok finaliga qadar yetib borgan va finalda "Manchester Siti"ga yutqazgandi.
Milanliklar uchun navbatdagi turnir unchalik muvaffaqiyatli bo‘lmadi: jamoa 1/8 final bosqichida “Atletiko Madrid”ga penaltilar seriyasida mag‘lub bo‘ldi.
"Maqsadimiz yangi mavsumda Chempionlar ligasida imkon qadar uzoqqa borish. Raqiblarimiz katta byudjetga ega eng kuchli klublar bo‘lishini bilamiz, ammo bu bahona bo‘lmasligi kerak. Biz buni avval ham qilganmiz. Biz "Real Madrid" va "Liverpul" kabi jamoalarni uchratganmiz va ular bizdan yaxshiroq ko‘rinmasdi", - deydi Indzagi.
