"Барселона" Бильбаонинг "Атлетик" клуби вингери Нико Уильямснинг трансферини тезда якунлашга умид қилмоқда. Жума куни ўзининг 22 ёшини нишонлаган испаниялик футболчи клубнинг асосий мақсади бўлиб қолмоқда.

Журналист Ашраф бин Аяднинг сўзларига кўра, "Барселона" жуда оптимистик ва Уилямснинг келишувида ўз имкониятларини юқори баҳоламоқда.

Клуб ўтишни якунлашга эътибор қаратиш учун бошқа барча ишларни тўхтатиб қўйди. Нико Уилямснинг "Атлетик" билан шартномасида товон пули деярли 60 миллион еврони ташкил этади. Испаниялик футболчининг амалдаги шартномаси 2027 йилгача мўлжалланган.