Ярим ҳимоячи Саул Ньигес Мадриднинг “Атлетико” клубини тарк этишга тайёрланмоқда. Олдин кутилганидек, томонлар шартномани бекор қилишга келишиб олдилар.
“Матрасчилар” футболчига иш ҳақининг 50 фоиздан камини товон пули сифатида ҳамкорликни тўхтатганлиги учун тўлайди, дея хабар беради инсайдер Фабрицио Романо. 29 ёшли футболчи Мадрид билан шартномаси расман бекор бўлгач, эркин агент сифатида "Севилья"га ўтади.
Душанба куни Сауль тиббий кўрикдан ўтиш ва шу номдаги клуб билан шартнома имзолаш учун Севильяга келади. Ярим ҳимоячи 2012 йилда "Атлетико"да дебют қилган. У жамоа сафида 427 та ўйинда жами 48 та гол урган ва 26 та голли узатмани амалга оширган.
