Грузиялик ҳужумчи Жорж Микаутадзе фаолиятини бошқа клубда давом эттиради. Журналист ва инсайдер Фабрицио Романо ўз саҳифаларида ёзганидек, Евро-2024'да терма жамоасининг асосий қаҳрамонларидан бирига айланган 23 ёшли ҳужумчи "Монако"га ўтади.

Қайд этилишича, трансфер суммаси 20 миллион еврони ташкил қилади. Романонинг аниқлик киритишича, барча расмиятчиликлар ҳал қилинган ва келишув албатта амалга ошади.

Ўтган мавсумда форвард “Мец” сафида барча турнирларда 32 та ўйин ўтказиб, 14 бор рақиблар дарвозасига гол урди. Евро-2024 да тўртта ўйин ўтказиб, учта гол урди.