Ла Лига президенти Хавьер Тебас "Реал Мадрид" президенти Флорентино Пересга фаол қаршилик кўрсатгани учун, хусусан Суперлига борасида муаммоларга дуч келганини айтди.
"Ҳа, менинг оилам учун нохуш муаммолар пайдо бўлди, лекин мен бу ҳақда гапирмасликни афзал кўраман.
Нега ҳеч ким Пересни танқид қилмайди? Чунки ўз конфорт зонадан чиқиб, бу мамлакатдаги энг қудратли кишилардан бирини танқид қилишни бошлаш қийин.
Мен буни тан оламан ва қаҳрамонлик талаб қилмайман. Мен бу ҳақда кўп гапирмаслигим керак. Сиз Испанияда яшаяпсиз ва нима ҳақида гапираётганимни тушунасиз", - деди Тебас Sport.es билан суҳбатда.
