"Манчестер Юнайтед" бош мураббийи Эрик Тен Хаг "қизил иблислар"нинг собиқ ҳужумчиси Руд Ван Нистелройнинг жамоага қайтганини тушунтирди.
Ўтган пайшанба куни "Манчестер Юнайтед" Ван Нистелрой ва Рене Хаке Тен Хагнинг ёрдамчилари этиб тайинлангани, шартномалари 2026 йилгача тузилганлигини эълон қилди.
Ван Нистелрой "МЮ"да беш мавсум ўтказди, шунингдек, ПСВ бош мураббийи сифатидаги тажрибага эга, шунинг учун Тен Хаг ҳамюрти жуда фойдали бўлишига ишонади.
"Ўйлайманки, биз яхши иш қилдик. Биз эришмоқчи бўлган нарсага эришдик, лекин биз ҳали ҳам бу ерда тўхтаб қола олмаймиз. Биз олдинга интмоқчимиз ва мен Руд Ван Нистелрой ва Рене Хакенинг келишидан жуда хурсандман. Улар бизга янги динамика, янги ташаббуслар ва инновацияларни беради.
Асосийси, Ван Нистелрой ўзининг феъл-атвори туфайли жуда кўп ютуқларга эришди ва бу бу ерда ҳамма учун ўрнак бўлади. Албатта, у "Манчестер Юнайтед" ДНКсини ҳам олиб юради, лекин унинг феъл-атвори жуда кучли ҳайдовчи ва у буни мураббий сифатида кўрсатди.
У жуда қизиқ профилга эга, у жуда машҳур, маҳоратга эга ва аллақачон катта тажрибага эга. У Нидерландия терма жамоасида ёрдам берган, ПСВда U-19 жамоасига, кейин эса U-21 жамоасига мураббийлик қилган.
Кейин у асосий жамоани қабул қилиб олди. Демак, у катта тажрибага эга, лекин у жуда ёш, жуда амбицияли, ўта интилувчан. У ўз маҳорати ва ақл-заковати билан барча футболчиларга ва жамоага ёрдам беради", - деди Тен Хаг.
