Испания терма жамоаси Европа чемпионати финалида Англияга қарши майдонга тушади. Учрашув якшанба куни Тошкент вақти билан 00:00 да бўлиб ўтади. "Қизил фурия"нинг асосий умидларидан бири 17 ёшли Ламин Ямал бўлиб, унинг ярим финалда французлар билан ўйиндаги голи жамоага финал йўлланмасини қўлга киритишга ёрдам берди.
Ҳал қилувчи ўйин бошланишидан олдин Ямалнинг отаси интервью бериб, ўз тахминлари билан ўртоқлашди: "Ламин эртанги финал олдидан хавотирдами? Йўқ. Ўйинда 3:0 ҳисобида ғалаба қозонамиз”, - деди у.
