Альфонсо Дэвис Канада жамоасининг Америка Кубогидаги дебютида 4-ўринни эгаллаганини юқори баҳолади.
3-ўрин учун кечган баҳсда шимолий америкаликлар Уругвайга имкониятни бой беришди (2:2, пенальтилар бўйича 3:4).
“Сиз яхши ўйин ўтказиб, пенальтилар сериясида мағлуб бўлишингиз мумкин. Пенальтини тепган ҳамма уни ишончли тарзда амалга оширди ва гол уришни хоҳлади.
Умуман олганда, мен жамоамиз билан фахрланаман. Биз бу турнирда илк бор қатнашдик ва жуда яхши жамоаларга қарши курашдик – бу ютуқ бизда абадий қолади”, деди пенальтилар сериясида хато қилган Канада терма жамоаси ҳимоячиси.
