«Манчестер Юнайтед» ўз расмий сайти орқали ҳимоячисининг жароҳатидан тикланишидаги эришилган ютуқлар ҳақида хабар берди. Шундай қилиб, 24 ёшли Тирелл Маласиа тиббиёт ходимлари назорати остида майдонда индивидуал машғулотларга қайтди.
Маълумки, Тирелл Маласиа тиззасидан олган жиддий жароҳати туфайли 2023/2024 йилги мавсумни тўлиқ ўтказиб юборганди. Футболчи 2022 йилнинг ёзида «Фейеноорд»дан «Манчестер Юнайтед»га ўтган. Нидерландиялик футболчи «қизил иблислар» сафида 39 та ўйин ўтказган.
«Манчестер Юнайтед» келаси мавсумга тайёргарлик кўришни аллақачон бошлаб юборган.
