Олимпиада кумуш медали совриндори россиялик фигурали учувчи Александра Трусова профессионал фаолиятини давом эттирадиган бўлди.
Бу ҳақда спортчи билан шуғулланаётган Евгений Плушенко маълум қилди. Трусова охирги марта 2022-йилда ўзини музда кўрсатган эди.
"Трусова спортга қайтди. Биз ҳар куни ишлаймиз. Бу катта сенсация. Мен бунинг имкони борлигини исботладим, умид қиламанки, шеригим ҳам буни исботлайди", - дея Евгений Плушенконинг сўзларини келтиради Матч ТВ.
Трусова охирги марта 2022 йил ноябрь ойида катта турнирда иштирок этган, ўшанда Самарада Россия Гран-присининг бешинчи босқичида конкида учувчи иккинчи ўринни эгаллаган. 2023/24 йилги мавсумда Александра фақат муз шоуларида чиқиш қилди.
