Ҳужумчи Жошуа Зиркзее "Болонья"дан "Манчестер Юнайтед"га ўтгани ҳақида расман маълум бўлди.
Трансфер якунлангач, 23 ёшли нидерландиялик футболчи ўз фикрини билдирди.
"Мураббийлар ва клуб мутасаддилари билан суҳбатдан сўнг мен келажак қанчалик қизиқарли бўлишини биламан.
"Манчестер Юнайтед"нинг муваффақиятига ўз ҳиссамни қўшаман. Мен ҳар доим ғалабалар учун бор кучимни берган футболчиман.
Фаолиятимни кейинги босқичга олиб чиқиш ва кўпроқ совринлар ютиш учун катта синовга тайёрман.
Бундай рамзий клубга қўшилиш мен учун катта шараф. Энди терма жамоада ўйнаганимдан сўнг танаффусга муҳтожман, лекин мен қайтиб келаман ва дарҳол жамоага ёрдам бера оламан", - дея Зиркзеенинг сўзларини келтиради «Манчестер Юнайтед» сайти.
