Аргентина терма жамоаси АҚШ футбол майдонларида ўтказилган 2024 йилги Америка кубогида ғолиб чиқди. Финал учрашувида Лионель Скалони шогирдлари Колумбияни қўшимча вақтда 1:0 ҳисобида мағлуб этишди. Ягона гол ҳужумчи Лаутаро Мартинес томонидан киритилди.
Аргентина терма жамоасининг асосий юлдузи – ҳужумчи Лионель Месси ҳал қилувчи баҳсда атиги 65 дақиқа ҳаракат қилди. 37 ёшли футболчи жароҳати туфайли алмаштирилди. Шу тариқа, Месси Америка кубоги финалида яна гол ура олмади. У тўртта финалда қатнашди, аммо майдонни голсиз тарк этди.
Охирги турнирда Лионель битта гол урди ва битта голли узатмани амалга оширди.
