Англия терма жамоаси ярим ҳимоячиси Коул Палмер жамоаси 2026 йилги жаҳон чемпионатида ғолиб чиқишига умид қилмоқда.

Эслатиб ўтамиз, турнир АҚШ, Мексика ва Канадада бўлиб ўтади.

"Жаҳон чемпионати икки йилдан кейин бўлиб ўтади. Ўшанда финалдаги мағлубият ҳиссини эслашимиз керак. Умид қиламанки, биз жаҳон чемпионатида ғалаба қозона оламиз", - деди Палмер ITV Football билан суҳбатда.

22 ёшли Коул кеча Испанияга қарши Евро-2024 финал учрашувида захирадан майдонга тушди. Ярим ҳимоячи узоқ масофадан йўллаган зарбаси билан ҳисобни тенглаштиришга муваффақ бўлди, аммо кейинроқ "қизил фурия" Микель Оярзабальнинг голи эвазига ғалабани тортиб олди.