Колумбия терма жамоаси устози Америка кубоги финалидаги мағлубият ҳақида фикр билдирди.

Турнир финалида колумбияликлар Аргентинага имкониятни бой беришди (0:1, қўшимча вақт).

"Икки финалчидан бири даврни тугатмоқда ва олдин икки марта Америка Кубоги финалида ва Жаҳон чемпионати финалида мағлуб бўлган. Скалони етти йилдан бери жамоаси билан ишламоқда, уни табриклайман.

Финал ҳамма учун осон кечмади. 21 кун ичида ўтказилган олти учрашувдаги стресс футболчиларга ўз таъсирини ўтказди. Ҳамма чарчаган ва ўрнини босувчини сўрашган.

Ўйлайманки, бундай учрашувларда ким биринчи бўлиб гол урса, ўша ютади. Иккинчи бўлим ўрталарида гол урсак ғалаба қозонамиз дедим, чунки иккала жамоа ҳам чарчаган. Ким биринчи гол урган бўлса, энг яхши имкониятга эга бўлди - бу сафар Аргентина.

Бу ажойиб ижро эди. Футболчиларга, мураббийлар штабига, ёрдамчиларга, ходимларга раҳмат айтаман... 50 кун бирга ўтказдик ва барчага раҳмат айтаман, чунки бизда ҳеч қандай муаммо бўлмади.

Биз доим табассум қилдик ва охирги кунгача ғалабани орзу қилдик. Бу жуда муҳим. Жамоанинг қилган иши мухлисларга таъсир қилди ва биз бундан миннатдормиз”, - дейди аргентиналик Нестор Лоренсо.