"Бавария" ва "Ливерпул"нинг собиқ футболчиси, ҳозирда "Чикаго Файр" футболчиси Жердан Шакири Швейцария терма жамоасидаги фаолиятини якунлади. Бу ҳақда вингер ижтимоий тармоқларда маълум қилди.
"Етти турнир, кўплаб голлар, Швейцария терма жамоасидаги 14 йил ва унутилмас лаҳзалар. Жамоа билан хайрлашиш вақти келди. Менда ажойиб хотиралар қолади ва барчангизга раҳмат! ” — деди футболчи.
Шакири Евро-2024 гуруҳ босқичининг 2-тури доирасидаги Шотландия билан ўйинда гол уриб, Европа чемпионати ва жаҳон чемпионатида камида бешта гол урган етти нафар футболчидан бирига айланди.
