Марказий ҳимоячи Матс Хуммельс янги клуб билан шартнома имзолашга шошилмаяпти.
Немис футболчиси июль ойи бошида Дортмунднинг "Боруссия"си билан шартномаси якунига етгач, эркин агентга айланди. Футболчи бозорда жиддий талабга эга, бироқ ҳали унга таклиф билан чиққанларнинг бирортасига розилик бермаган. Журналист Николо Скира хабарига кўра, 35 ёшли футболчи яқинда Саудия Арабистони, Қатар, Португалия, Нидерландия ва Туркиядан келган таклифларни рад этган.
Матс Хуммельс учун курашда Леверкузеннинг "Байер"и фаворит саналади. Германия терма жамоасининг собиқ марказий ҳимоячисига Италиянинг "Болонья" клуби ҳам қизиқиш билдирмоқда.