Альваро Мората Испания терма жамоасини янги ғалабага руҳлантирган ўтмишдаги юлдузларнинг ҳиссасини қайд этди.
Луис де ла Фуэнте бошчилигидаги “қизил фурия” Евро-2024 финалида Англия терма жамоасини мағлуб этди (2:1). Испанияликлар тарихда биринчи марта Европа чемпионатининг тўрт карра ғолиби бўлишди. Аввалги ғалабалар 1964, 2008 ва 2012 йилларга тўғри келади.
“Биз Касильяс, Фернандо Торрес, Вилья, Хави, Иньеста, Альба, Бускетс, Вальдес, Пике ва бошқа кўплаб шундай футболчиларни кўриб ўсганмиз. Уларнинг барчасига раҳмат - улар бизга қандай ғалаба қозониш кераклигини кўрсатишди", - дея Моратадан иқтибос келтирган Barca Universal.
