Alvaro Morata Ispaniya terma jamoasini yangi g‘alabaga ruhlantirgan o‘tmishdagi yulduzlarning hissasini qayd etdi.
Luis de la Fuente boshchiligidagi “qizil furiya” Yevro-2024 finalida Angliya terma jamoasini mag‘lub etdi (2:1). Ispaniyaliklar tarixda birinchi marta Yevropa chempionatining to‘rt karra g‘olibi bo‘lishdi. Avvalgi g‘alabalar 1964, 2008 va 2012 yillarga to‘g‘ri keladi.
“Biz Kasilyas, Fernando Torres, Vilya, Xavi, Inyesta, Alba, Buskets, Valdes, Pike va boshqa ko‘plab shunday futbolchilarni ko‘rib o‘sganmiz. Ularning barchasiga rahmat - ular bizga qanday g‘alaba qozonish kerakligini ko‘rsatishdi", - deya Moratadan iqtibos keltirgan Barca Universal.