Испания терма жамоаси футболчилари “Олтин тўп”ни Родрига топширишга чақиришди.
Испанлар финалда Англияни мағлуб этиб (2:1) Евро-2024 ғолибига айланишди. “Манчестер Сити” ярим ҳимоячиси турнирнинг энг яхши футболчиси деб топилди.
Мадриддаги чемпионлик парадида футболчиларни сардор Альваро Мората бирин-кетин саҳнага чақиришди. Родри томошабинлар олдига чиққач, унинг жамоадошлари "Родри, Олтин тўп! "Олтин тўп", "Олтин тўп"! дея ҳайқиришди. Мухлислар ҳам бунга қўшилишди.
Шу билан бирга, бу қўшиқлар пайтида Хоселу Дани Карвахалга ишора қилди. Ўтган мавсумда улар "Реал"да бирга ўйнаб, клуб билан учта совринни қўлга киритишганди.
