"Галатасарой" "Зенит" билан ярим ҳимоячи Венделнинг трансфери борасида музокара олиб бормоқда, деб хабар беради UOL нашри.
Манбага кўра, ўтган ҳафта турк клуби 20 миллион евро ва бонуслар миқдорида расмий таклиф юборган.
Россия чемпиони бразилиялик футболчи учун кўпроқ пул олишни кутишмоқда, музокаралар давом этмоқда.
26 ёшли Вендел 2020 йилдан бери "Зенит"да ўйнаб келмоқда. Петербургликлар сафида 124 та ўйин ўтказиб, 20 та гол урган ва 25 та голли узатмани амалга оширган. Футболчининг шартномаси 2027 йилнинг ёзида якунига етади.
