Эрик тен Хагнинг айтишича, унинг Жейдон Санчо билан келишмовчилиги ҳал қилинган.
Олдинроқ нидерландиялик мутахассис ва 24 ёшли англиялик ярим ҳимоячи учрашув ўтказгани, шундан сўнг Санчо "Манчестер Юнайтед" машғулотларини бошлагани ҳақида хабар берилганди.
"Ҳа, айтганимдек, ҳаммаси жойида. "Манчестер Юнайтед"га яхши футболчилар керак, Жейдон эса яхши ўйинчи. Биз ҳаммасини унутдик ва олдинга қадам ташладик", - деди "Манчестер Юнайтед" бош мураббийи.
Эслатиб ўтамиз, ўтган ёзда Санчо тен Хаг билан можаро қилган эди. Шундан сўнг, вингер дисквалификация қилинди ва бир неча ой давомида "МЮ"нинг асосий жамоаси билан шуғулланмади. Қишда Санчо "Боруссия"га ижара асосида қайтди.
