"Ливерпуль"нинг собиқ бош мураббийи Юрген Клопп Гарет Саутгейтнинг Англия терма жамоасидаги эҳтимолий ўринбосари бўлди.

Сешанба куни Саутгейтнинг лавозимни тарк этиш қарори маълум бўлгач, Англия терма жамоаси бош мураббийсиз қолди. Дарҳол оммавий ахборот воситаларида турли таниқли мутахассисларнинг "уч шерлар" устози лавозимига тайинланиши мумкинлиги ҳақида маълумотлар тарқала бошлади - улар орасида Клопп ҳам бор эди. Telegraph Football хабарига кўра, немис мутахассиси Англия терма жамоасида ишлашга қизиқмайди - у бир йил ичида мураббийликка қайтиш ниятида эмас.

Эслатиб ўтамиз, Юрген Клопп ўтган мавсум охирида "Ливерпуль"ни тарк этганди.