“Бенфика” ярим ҳимоячиси Жоау Невеш "Пари Сен-Жермен" билан келишувга эришди.
Айнан парижликлар Португалия терма жамоасининг 19 ёшли футболчисига асосий даъвогар сифатида кўрилаётганди. SportsZone хабарига кўра, "ПСЖ" таянч ярим ҳимоячи билан ҳамкорлик шартлари бўйича келишиб олган.
Француз гранди аллақачон “Бенфика” билан музокаралар олиб бормоқда. Лиссабонликлар товон тўлаш бандида кўрсатилганидек, Невешни сотишдан 120 миллион евро ишлаб олишларини кутишган, бироқ Лига 1 клуби раҳбарияти келишувни ўзлари учун қулайроқ бўлган бошқа шартларда якунлаш ниятида.
Жоау Невешга Англиянинг “Манчестер Юнайтед” клуби ҳам қизиқиш билдирган.
