"Ювентус" дарвозабони Войцех Шеснининг "Ан-Наср"га трансфери амалга ошмай қолиши мумкин.
Саудия гранди польякга катта таклиф билан чиқди - улар унга йилига 20 миллион евро тўлашга тайёр эдилар. 34 ёшли дарвозабон бу трансферга шубҳа билдирди, бу “Ан-Наср”га ёқмади. Инсайдер Алфредо Педулланинг сўзларига кўра, Ар-Риёд клуби энди эътиборини бошқа номзодларга қаратишни режалаштирган.
Эслатиб ўтамиз, “Ан-Наср” “Манчестер Сити” дарвозабони Эдерсонни ҳам ўз сафига қўшиб олишга ҳаракат қилган, бироқ “шаҳарликлар” билан трансфер шартлари бўйича келиша олмаганди.
Войцех Шеснининг "Ювентус" билан шартномаси келаси ёзгача амал қилади.
