"Барселона"нинг айрим футболчиларига клуб президенти Жоан Лапортанинг Нико Уильямснинг эҳтимолий трансфери ҳақидаги сўзлари ёқмади.
Яқинда Испания билан Европа чемпионига айланган Бильбаонинг "Атлетик" вингери Каталония грандининг асосий трансфер мақсади саналади. Лапорта Уильямсга қизиқишини яширмади ва интервьюда "Барселона"да келишувни якунлаш учун зарур маблағ борлигини айтди.
The Athletic таъкидлаганидек, бу гап ҳаммага ҳам ёқмаган: жамоага яқин манбаларга кўра, "кўк-анорранглилар"нинг баъзи ўйинчилари, клуб ҳозирги таркибдаги футболчиларни рўйхатдан ўтказишга қодир бўлмаганда, шу нуқтаи назардан юқори даражадаги трансферлар ҳақида гапиришни ўринсиз деб ҳисоблашади.
