"Barselona"ning ayrim futbolchilariga klub prezidenti Joan Laportaning Niko Uilyamsning ehtimoliy transferi haqidagi so‘zlari yoqmadi.
Yaqinda Ispaniya bilan Yevropa chempioniga aylangan Bilbaoning "Atletik" vingeri Kataloniya grandining asosiy transfer maqsadi sanaladi. Laporta Uilyamsga qiziqishini yashirmadi va intervyuda "Barselona"da kelishuvni yakunlash uchun zarur mablag‘ borligini aytdi.
The Athletic ta’kidlaganidek, bu gap hammaga ham yoqmagan: jamoaga yaqin manbalarga ko‘ra, "ko‘k-anorranglilar"ning ba’zi o‘yinchilari, klub hozirgi tarkibdagi futbolchilarni ro‘yxatdan o‘tkazishga qodir bo‘lmaganda, shu nuqtai nazardan yuqori darajadagi transferlar haqida gapirishni o‘rinsiz deb hisoblashadi.
