"Ренн" "Бавария" ва "ПСЖ"нинг 19 ёшли вингер Десир Дуэ борасидаги сўнгги таклифларини рад этди. "Қизил-қоралар" футболчи учун 60 миллион евро ва қўшимча тўловлар талаб қилмоқда.
Ўтган ҳафтада "Бавария" футболчи учун бонуслар билан бирга 35 миллион евро таклиф қилганди, аммо "Ренн" рад жавобини берди.
Кейинроқ "ПСЖ" Дуэ учун бонуслар билан бирга 45 миллион евро тўлаш истагини билдирган. "Ренн" бу таклифга ҳам рози бўлмади.
Дуэ ўтган мавсумда "Ренн" клуби сафида 43 та ўйинда майдонга тушиб, 4 та гол урди ва 6 та голли узатмани амалга оширди.
У Франция терма жамоаси таркибида Олимпия ўйинларида иштирок этади.
