"Бавария" футбол клуби ўзининг расмий сайтида Аdidas компаниясининг 2024/2025 йилги мавсумда фойдаланадиган янги меҳмон либосини тақдим этди.

"Бавария" Германиянинг энг титулли профессионал футбол клуби бўлиб, 33 марта чемпионлик ва 20 марта Германия кубоги ва Чемпионлар лигасида 6 марта ғалаба қозонган. 2013 йил охирида жамоа ФИФА клублар ўртасидаги жаҳон чемпионатида ғолиб чиққан биринчи немис клубига айланди.

"Бавария" Томас Тухель бошчилигидаги 2023/2024 йилги мавсумни совринсиз якунлади. Ёзда жамоани “Манчестер Сити” ва Бельгия терма жамоасининг собиқ ҳимоячиси, аввалроқ Англиянинг “Бёрнли” клубида ишлаган Венсан Компани қабул қилиб олди.