"Реал"нинг янги футболчиси Килиан Мбаппе Мадрид клубидаги тақдимот маросимидан сўнг мухлисларга мурожаат қилди.

Эслатиб ўтамиз, кеча, 16 июль куни “Реал” 25 ёшли франциялик футболчини ўз стадионида расман янги жамоа футболчиси сифатида таништирди.

"Мадридистлар, мен ва оилам учун унутилмас кун учун раҳмат. Менда жуда кўп ҳис-туйғулар бор, менинг болалик орзум амалга ошади! Йиллар давомида менга бўлган севгингиз ва муносабатингиз учун раҳмат. Катта оиланинг бир қисми эканлигимдан жуда фахрланаман. Мен имкон қадар тезроқ дунёнинг энг яхши клубида ўйнашни бошламоқчиман. Олға!" - деб пост қолдирди "қаймоқрангилар"нинг янги футболчиси.

Эслатиб ўтамиз, Мбаппе аввалроқ "ПСЖ"да ўйнаган. Ўтган мавсумда футболчи парижликлар сафида 48 марта майдонга тушиб, 44 та гол ва 10 та голли узатмани амалга оширган.