"Атлетик" ярим ҳимоячиси Нико Уильямс фаолиятини қаерда давом эттириш борасида якуний қарорга келди. Бу ҳақда ижтимоий тармоқларда инсайдер Фабрицио Романо хабар берди.
Манбага кўра, Европа чемпиони фақат "Барселона"га ўтмоқчи. Томонлар ҳозирданоқ музокаралар олиб бормоқда ва келишув шартларини келишиб олишмоқда. Каталония гранди сафида фаолиятини давом эттириш учун Нико маошини камайтиришга тайёр.
Унга "Арсенал" ва "Челси" ҳам қизиқиш билдирмоқда, аммо вингер "Барселона"га ўтмоқчи.
Эслатиб ўтамиз, Уильямс Испания терма жамоаси билан биргаликда 2024 йилги Европа чемпионати ғолибига айланганди.
