"Атлетико" ёзда Альваро Мората ва Мемфис Депайни йўқотди, шунинг учун Мадрид клуби ҳужум чизиғини кучайтирмоқчи.
TyC Sports нашри хабарига кўра, "матрасчилар" "Манчестер Сити" ва Аргентина терма жамоаси ҳужумчиси Хулиан Альваресни қўлга киритишга умид қилишмоқда. Футболчининг ўзи ҳам инглиз клубида захирадан чарчаган ва яқинда "шаҳарликлар" раҳбарларидан уни трансферга қўйишни сўраган.
Миш-мишларга кўра, Альварес Мадриднинг "Атлетико" клубига ўтмоқчи. Mundo Deportivo нашри хабарига кўра, Мадрид клуби футболчини келаси ёзда 70 миллион еврога сотиб олиш мажбурияти билан ижарага олишни режалаштирмоқда.
"Манчестер Сити" футболчини қўйиб юборишга тайёр, аммо "Манчестер Сити" жамоаси унинг учун қанча пул олмоқчилиги ва тўловни бир йил кутишга тайёрми ёки йўқлиги ҳозирча аниқ эмас.
"Манчестер Сити"даги икки мавсумда Альварес 103 ўйинда 36 гол урди ва 18 голга ассистентлик қилди.
