Килиан Мбаппе "Реал Мадрид" билан Америка Қўшма Штатларидаги мавсумолди турнесига бормайди.
Мадридликлар 28 июл куни АҚШга сафар қилади ва “Милан”, “Барселона” ва “Челси”га қарши учта ўртоқлик ўйини ўтказади.
Клуб қарорига кўра, Килиан саёҳат қилиш ўрнига 7 августдан бошлаб Вальдебебасдаги базада янги жамоадошлари билан мавсумолди машғулотларини бошлайди. Клубнинг футболчи билан биргаликда ишлаб чиққан режасига кўра, франциялик футболчи 14 август куни Варшавада “Аталанта”га қарши УEФА Суперкубогида ўйнаши керак.
Қайд этилишича, мадридликлар бош мураббийи Карло Анчелотти ва Мбаппенинг ўзи янги клубда иш бошлашдан олдин унга жисмоний ва руҳий дам олиш имкониятини беришни мақсадга мувофиқ деб билишган.
