"Атлетико" Альваро Мората ўрнига ҳужумчи сотиб олишни режалаштирмоқда.
Олдинроқ испаниялик форвард Мадрид клуби билан хайрлашганди - у "Милан"га ўтмоқда. Қолаверса, Мемфис Депай июнь охирида "Атлетико"ни тарк этди.
Marca хабарига кўра, "Атлетико" ҳужумни кучайтириш учун "Жирона" ҳужумчиси Артём Довбик устувор вариантдир. Украиналик ҳужумчининг товон пули 40 миллион еврони ташкил этади - таъкидланишича, Довбик ҳам "Атлетико"га ўтишдан манфаатдор.
Мадридликлар шунингдек, "Вильярреал" ҳужумчиси Александр Серлот ва "Манчестер Сити" ҳужумчиси Хулиан Альварес номзодларини кўриб чиқмоқда, бироқ айни дамда иккала трансфер ҳам даргумон.
