41 ёшли дарвозабон Пепе Рейна "Комо" билан бир йиллик шартнома имзолади.
Италия клуби пайшанба куни тажрибали дарвозабонни ўз сафига ўтганини расман эълон қилди.
"Комо" устози Сеск Фабрегас Рейнанинг трансфери ҳақида фикр билдирди.
"Биз Пепени клубда кутиб олганимиздан жуда мамнунмиз. У катта халқаро тажрибага эга ва жуда рақобатбардош менталитетга эга дарвозабон.
Шу сабабларга кўра, у жамоанинг ўсиши ва ривожланишига ёрдам беришига ишончим комил", - дея Фабрегаснинг сўзларини келтиради Комо сайти.