"Манчестер Юнайтед" ярим ҳимоячиси Скотт Мактоминай "Галатасарой"нинг трансфер мақсади бўлиб қолмоқда.
Турк клуби аллақачон шотландиялик учун таклиф билан "қизил иблислар"га мурожаат қилган, бироқ рад жавобини олган. Инсайдер Флориан Плеттенбергнинг янгиланган маълумотларига кўра, "Галатасарой" Мактоминайни қўлга киритиш учун уринишдан воз кечмаяпти. Туркия чемпионлари раҳбарияти ярим ҳимоячи трансферга очиқ, деб ҳисобламоқда, шунинг учун улар музокараларда муваффақият қозониш имкониятларини юқори баҳоламоқда.
"Манчестер Юнайтед" билан келишувга эришиш осон бўлмайди: манкунианликлар 27 ёшли футболчини сотишдан тахминан 30 миллион евро ишлаб олишни мақсад қилган - "Галатасарой" бу нархни жуда юқори деб ҳисобламоқда. Муҳокамалар давом этмоқда.
