"Manchester Yunayted" yarim himoyachisi Skott Maktominay "Galatasaroy"ning transfer maqsadi bo‘lib qolmoqda.
Turk klubi allaqachon shotlandiyalik uchun taklif bilan "qizil iblislar"ga murojaat qilgan, biroq rad javobini olgan. Insayder Florian Plettenbergning yangilangan ma’lumotlariga ko‘ra, "Galatasaroy" Maktominayni qo‘lga kiritish uchun urinishdan voz kechmayapti. Turkiya chempionlari rahbariyati yarim himoyachi transferga ochiq, deb hisoblamoqda, shuning uchun ular muzokaralarda muvaffaqiyat qozonish imkoniyatlarini yuqori baholamoqda.
"Manchester Yunayted" bilan kelishuvga erishish oson bo‘lmaydi: mankunianliklar 27 yoshli futbolchini sotishdan taxminan 30 million yevro ishlab olishni maqsad qilgan - "Galatasaroy" bu narxni juda yuqori deb hisoblamoqda. Muhokamalar davom etmoqda.
