Мюнхеннинг “Бавария” клуби янги бош мураббий Венсан Компанининг режаларига кирмайдиган учта асосий ўйинчини сотишга умид қилмоқда.
Бу ҳақда Reddit журналист ва инсайдер Флориан Плеттенбергнинг Sky Sports телеканалидаги сўзларига таяниб хабар берди.
Манбага кўра, Кингсли Коман ва Леон Горецка немис жамоасини тарк этиши керак, аммо ҳеч бир йирик клуб уларга жиддий қизиқиш билдирмаяпти.
Агар яхши таклиф тушса, "Бавария" 29 ёшли вингер Серж Гнабрини ҳам сотишга тайёр. Аввалроқ мюнхенликлар Маттейс де Лигтни «Манчестер Юнайтед»га сотиши мумкинлиги ҳақида ҳам хабар қилинганди, аммо айни дамда клублар ўртасидаги музокаралар боши берк кўчага кириб қолган.
