"Астон Вилла" янги мавсумда Чемпионлар лигасида Англия шарафини ҳимоя қилади. Шу фактни инобатга олган Бирмингем клуби ёзги трансфер ойнасида таркибини кучайтириш устида фаол ишламоқда.
TodoFichajes нашри хабарига кўра, "Астон Вилла" устози Унаи Эмери клубдан "Барселона"дан вингер Рафиньяни сотиб олишни сўраган. Рафиньянинг "Астон Вилла"га ўтиши тахминан 60 миллион еврога тушиши мумкин.
Бироқ, "Барселона" 27 ёшли бразилияликнинг кетишини маъқуллайдими ёки йўқми, ҳозирча аниқ эмас. Амалдаги шартнома Рафиньяни "Барселона" билан 2027 йилнинг ўрталарига қадар боғлайди. Каталония клуби сафида 87 та ўйинда майдонга тушган бразилиялик футболчи 20 та гол урган ва жамоадошларига 25 та голли узатма берган.
