The Friedkin гуруҳи "Эвертон"ни сотиб олишдан бош тортди.
АҚШ сармоядорлари аввалроқ 500 миллион фунт стерлинглик келишувга келишиб олишган, бироқ пайшанба куни кечқурун ундан воз кечган.
“Рома”га ҳам эгалик қилувчи The Friedkin консорциуми “Эвертон”нинг янги стадионидаги қурилишни тугатишга ёрдам бериш учун 200 миллион фунт стерлинг тўлаган, бироқ Фарҳод Моширининг Blue Heaven Holdings компаниясига тегишли 94% улушини сотиб олишни ўз ичига олган шартномага қўшилмасликка қарор қилган.
The Guardian нашрининг ёзишича, бу кутилмаган ҳаракат келишувнинг барча томонларини ҳайратда қолдирди. Маълум бўлишича, Fridkin "Эвертон"нинг кундалик фаолиятига ёрдам бериш учун олдинги харидор 777 Partners томонидан Моширига берилган кредитлар бўйича аниқлик йўқлиги сабабли сотиб олишдан воз кечган.