"Барселона" ҳужумчиси Витор Роке жамоага мослашишда қийналмоқда.

Каталонияликлар 19 ёшли форвардни январь ойида "Атлетико Паранаэнсе"дан 40 миллион евро эвазига сотиб олганди. Истиқболли футболчи Хави Эрнандес қўл остида "Блауграна"нинг асосий жамоасига кира олмади ва унинг Ханс-Дитер Флик давридаги истиқболлари ҳам ноаниқлигича қолмоқда.

Sport хабарига кўра, яқинда ўтказилган машғулотда "Барселона" футболчилари рондо ўйнаш учун гуруҳларга бўлинганида, Роке ёшлар жамоаси вакилларига юборилган. Бразилиялик футболчининг ёшини ҳисобга олсак, бу мутлақо нормал ҳодиса, аммо унинг ҳолати ва каталониялик гигантнинг трансферга сарфлаган маблағини ҳисобга оладиган бўлсак, жуда ғалати.