"Челси"нинг янги бош мураббийи Энцо Мареска жамоанинг биринчи рақамли дарвозабони ҳақида қарор қабул қилди.
Миш-мишларга кўра, "кўклар" турли дарвозабонларга қизиқиш билдирмоқда, аммо Роберт Санчес биринчи танлов бўлиб қолади. Инсайдер Фабрицио Романонинг сўзларига кўра, испаниялик футболчи мавсумни Маресканинг дарвозабон позициясида биринчи танлови сифатида бошлайди. Италиялик мутахассис 26 ёшли дарвозабонни жамоаси учун муҳим футболчи сифатида кўрмоқда.
Роберт Санчес ўтган йилнинг августида "Брайтон"дан "Челси"га ўтган эди. Трансфер нархи 23 миллион еврога баҳоланмоқда.
