"Ал-Иттиҳод" клуби юлдуз ярим ҳимоячиси НГоло Кантени сотишдан бош тортди.
"Вест Хэм" французни ўз сафига жалб қилмоқчи. Журналист Девид Орнштейннинг янгиланган маълумотларига кўра, "болғачилар" тахминан 15 миллион фунт стерлинг (деярли 18 миллион евро) таклиф қилишган, бироқ Саудия клуби рад жавобини берган. Лондонликлар ҳамон 33 ёшли ярим ҳимоячига қизиқиш билдиришмоқда, бироқ “Ал-Иттиҳод” асосий футболчи билан хайрлашишни режалаштирмаяпти, улар футболчи учун камида 25 миллион фунт (тахминан 30 миллион евро) талаб қилади. "Челси"нинг собиқ футболчисининг ўзи ҳам Саудия Арабистонини тарк этишни истамаяпти.
Transfermarkt экспертлари НГоло Кантенинг нархини 9 миллион еврога баҳоламоқда. Ярим ҳимоячининг "Ал-Иттиҳод" билан шартномаси 2026 йилгача мўлжалланган.
