Антонио Конте "Ювентус" ҳақидаги ҳақоратли қўшиқни такрорлашдан бош тортди.
Мавсум олди йиғинидаги тадбирлардан бирида "Наполи" мухлислари клуб бош мураббийини "Ювентус" ҳақида ҳақоратомуз қўшиқни такрорлашга чақирди.
"Келинг, буни умуман айтмаймиз. Мен ҳар доим хушмуомала ва ҳурматли инсон бўлиб қоламан, шунинг учун мендан умуман қилмаган ишимни қилишни сўраманг.
Мураббий сифатида биз ижобий ўрнак бўлишимиз керак", - деди неаполликлар бош мураббийи.
Антонио Конте “Ювентус” футболчиси сифатида беш марта, шунингдек, туринликлар бош мураббийи сифатида уч марта Италия чемпионлигини қўлга киритган.
