«Манчестер Юнайтед» ёзги трансфер ойнасида ҳимоясини жиддий равишда кучайтирмоқчи. «Қизил иблислар» аллақачон Лени Йорони ўз таркибига қўшиб олди, аммо клуб шу билан тўхтатмоқчи эмас. Манкунианликлар узоқ вақтдан буён «Эвертон»дан ҳимоячи Жерред Брэнтуэйтнинг трансфери устида ишламоқда. Бироқ, афтидан, келишув амалга ошмайди.

Журналист Девид Орнштейннинг сўзларига кўра, «Эвертон» «Манчестер Юнайтед»га клуб Брэнтуэйтни бу ёзда сотиш ниятида эмаслигини маълум қилган. Керакли 70 миллион фунт тўланган тақдирдагина «ирислар» трансферни қабул қилишлари мумкин, аммо «қизил иблислар» нархни пасайтиришни сўрамоқда.