«Manchester Yunayted» yozgi transfer oynasida himoyasini jiddiy ravishda kuchaytirmoqchi. «Qizil iblislar» allaqachon Leni Yoroni o‘z tarkibiga qo‘shib oldi, ammo klub shu bilan to‘xtatmoqchi emas. Mankunianliklar uzoq vaqtdan buyon «Everton»dan himoyachi Jerred Brentueytning transferi ustida ishlamoqda. Biroq, aftidan, kelishuv amalga oshmaydi.
Jurnalist Devid Ornshteynning so‘zlariga ko‘ra, «Everton» «Manchester Yunayted»ga klub Brentueytni bu yozda sotish niyatida emasligini ma’lum qilgan. Kerakli 70 million funt to‘langan taqdirdagina «irislar» transferni qabul qilishlari mumkin, ammo «qizil iblislar» narxni pasaytirishni so‘ramoqda.
