"Манчестер Сити" ҳимоячиси Жоау Канселу "Барселона"га қайтиши мумкин.

Португалиялик футболчи ўтган мавсумни айнан Каталония клубида ижара асосида ўтказди. 30 ёшли футболчи ўзининг ўйинлари билан "кўк-анорранглилар" вакилларини молиявий қийинчиликлар шароитида ҳам сотиб олиш ҳақида жиддий ўйлашга ишонтира олди. Sport хабарига кўра, Канселу "Барселона"га ўтишни жуда истамоқда - уни бошқа клублар қизиқтирмайди. Ла Лига гранди "Манчестер Сити" билан музокараларни бошлаб юборди - бу сафар гап сотиб олиш мажбурияти билан ижара ҳақида кетмоқда, у муайян шартларга эришилгандан кейин кучга киради.

Қайд этилишича, Жоау Канселу билан шартнома имзоланиши "Барселона"нинг янги бош мураббийи Ханс-Дитер Флик томонидан маъқулланган.